Microsoft je omogućio da se Edge browser zasnovan na Chromium-u testira na Windows 7 i Windows 8 sistemima.

Objava stiže dva mjeseca nakon što se Chromium Edge prvi put pojavio na Windowsu 10 i mjesec dana nakon pojave na macOS-u.

Microsoft će za početak nuditi dnevne Canary buildove, a uskoro planira i podršku za nedjeljni Dev kanal. Instalaciju je moguće preuzeti sa Microsoft Edge Insider sajta.

“Iskustvo korišćenja i karakteristike Edge-a na prethodnim verzijama Windowsa su uglavnom iste kao i kod Windowsa 10, uključuijući dolazeću podršku za Internet Explorer mod za poslovne korisnike”, ističe Microsoft Edge tim. Iako će većina funkcija biti ista, dark mod izostaje a Microsoft pominje da ne postoji podrška za AAD logovanje.

Microsoft još uvijek testira Chromium Edge pregledač na Windows 10, macOS i sada starijim Windows platformama i još uvijek nije poznato kada će ga kompanija ponuditi širem krugu korisnika. Edge će biti dostupan za Windowes 7 i pored toga što kompanija planira da od narednog januara prestane sa podrškom ove verzije operativnog sistema.

قالب وردپرس

KOMENTARI:
Loading...