Sve do ove godine, Karen i Mark živjeli su u srećnom braku koji je trajao pet godina i u kom su dobili blizanakinje. Markova porodica mu je svakih nekoliko nedelja mahala na aerodromu kada je zbog posla išao u London ili Južnu Afriku.

Karen je za Nine Honey ispričala kako joj je suprug uvijek bio velika podrška, i finansijska i emotivna. Podsticao ju je da započne posao od kuće i ponavljao kako je dobra majka njihovim djevojčicama.

S namjerom da mu pomogne da se raspakuje nakon putovanja, otvorila je kofer koji je njen suprug samo bacio preko radnog stola. Tražeći prljavu odjeću za pranje, naletjela je na fotografiju žene u srednjim 30-ima s dječakom od 18 mjeseci. Karen je odmah znala da tu nešto ne štima. Te je noći spavala na kauču čekajući trenutak kad će svoje kćerke odvesti u vrtić prije nego što suprugu postavi nekoliko teških pitanja.

Tajni život dva bloka dalje

“Doslovno sam držala uramljenu fotografiju žene i dječaka i bez okolišanja rekla: ‘Ko su oni i zašto je ovo bilo u tvom koferu?’”, rekla je Karen za medije. “Nekoliko sekundi samo me je gledao bez riječi, a onda je spustio glavu u dlanove i rekao: ‘Žao mi je. Znao sam da ćeš jednoga dana saznati, strepio sam od tog trenutka’.” Mark je priznao šokiranoj supruzi da je imao aferu sa ženom Belindom, koja mu je rodila sina Maksa.

“Nisam prestajala da plačem. Vikala sam: ‘Kako si mogao to da uradiš meni i djevojčicama?’ On je rekao da mene nikad nije prestao da voli, već da se uvukao u situaciju iz koje nije mogao da se izvuče”, prisjetila se Karen. Ali, onda je uslijedio novi šok. Ona je bila uvjerena da njen suprug drugu porodicu ima negdje u inostranstvu, ali ne, živjeli su na udaljenosti od svega pet kilometara. Mark je vodio tajni život tek dva bloka dalje.

Izbacila muža iz kuće

To je značilo kako sva ta poslovna putovanja uopšte nisu imala veze s poslom, već je nevjernom suprugu to bio savršen izgovor da provodi vrijeme sa svojim sinom. Tada su kockice počela da se slažu i odjednom je sve imalo smisla. Karen se sjetila pisama koja su dolazila iz komšiluka i u naletu bijesa izbacila je muža iz kuće.

Prema Markovim riječima, Belinda je znala za njegovu prvu porodicu iako Karen nije sigurna da bi iko ostao s njim znajući tako nešto. Njihove 4-godišnje kćerke ne znaju cijelu priču, već samo to da tata više ne živi s njima. I dok se to sada čini apsolutno nemogućim, Karen nije u potpunosti odbacila mogućnost upoznavanja s Belindom i njenim sinom, kao što ne može da obeća da neće dopustiti da se djeca druže i povežu. Na kraju krajeva, ipak su polubraća.

Izvor: net.hr

Objava Slučajno otkrila da joj muž ima drugu porodicu: Pravi šok uslijedio je tek kasnije! pojavila se prvi puta na BISCANI.NET.

قالب وردپرس

KOMENTARI:
Loading...